Аттестат табыстау

18 маусым күні сағат 10.00-де мектебіміздің түлектеріне аттестат табыстауға арналған салтанатты жиын болып өтті. Салтанатты  жиынның  қадірменді  қонағы Атбасар ауданы білім бөлімінің  әдіскері Козыбакова Асель Мухтаровна түлектерге ақ тілегін айтып, « Алтын белгі»  иегерлеріне төсбелгіні және аудан әкімінің «Алғыс хаттарын» табыс етті.
 Салтанатты жиында  Қазақстан Республикасының гимні орындалып, мектеп директорының міндетін атқарушысы Нурилаш Жанымханқызы  түлектерді құттықтап, аттестаттарды табыс етті. Сынып жетекшісі Б.С. Жилгельдина және А.К. Токбергенова түлектерге тілектерін арнап, ата – аналарды «Алғыс хаттармен» марапаттады. Түлектеріміздің ата-аналары тарапынан  Бекишева Армангуль Жуматаевна және Букенесова Куляш Кенесовнаны сөз беріліп, ақ  жаулықты  әжелері ақ баталарын беріп, шашуларын шашты. Барша ата-аналардың, ұстаздардың  құрметіне мектебіміздің түлектері өз әндері мен билерін тарту етті. Жиын соңында оқушылар ұстаздары және ата – аналары естелік суретке түсті.