1 қыркүйек

2026-2027 оқу жылының 1-қыркүйек күні мектебіміздің 1-11 сынып оқушылары үшін  қаламыздың орталық алаңында  салтанатты жиын өтті. Салтанатты жиын Қазақстан Республикасының  гимнімен басталды. Салтанатты жиынымыздың құрметті қонақтары: Атбасар ауданы әкімінің орынбасары  Махметов Бегахмет Сабыржанович мектеп ұжымын, ата – аналарды, мектеп оқушыларын, 1 сынып бүлдіршіндерін білім күнімен құттықтап, жылы лебіздерін білдірді. Мектеп директоры Н.А.Алкенова ата – аналарды, 1 сынып оқушыларын атаулы мерекемен құттықтап, мектеп жетістіктеріне тоқталды. Мектебіміздің  ең дарынды оқушылары  өздерінің әндерімен билерін атаулы мерекеге арнап, сахнаның  сәнін келтірді. Оқу ісінің меңгерушісі М.Е. Шакеева 2026-2027 оқу жылының басталуы туралы бұйрығымен таныстырды.  1 сынып бүлдіршіндері тәтті дауыстарымен мектептеріне, ұстаздарына арнап тақпақтарын арнады.  Ата – аналар тарапынан құттықтау сөз Нығыманова Меруерт Маратқызына берілді. 11 сынып түлектері 1 сынып оқушыларын құттықтап, арнайы сыйлықтарын табыс етті. Алғашқы қоңырауды соғу рәсімін мектеп табалдырығын аттаған  1 сынып бүлдіршіндері  бірілді. Жиын соңында мектеп оқушылары үшін « Қазақстан Республикасының Конституциясы – адал азамат, зерделі ұлт және жауапты қоғам қалыптастырудың негізі» атты бірыңғай сынып сағаты өтті. Сонымен қатар құқықбұзушылықтын алдын алу мақсатында полиция майоры Р.Бимаганбетов мектеп оқушыларына қауіпсіздік ережелері туралы ақпараттармен таныстырды.